Binne ’t besjteur van Vastelaovesgezelsjap De Beerpiëp hebbe kortgeleje ingkele belangriéke wisselinge plaatsgevónge.

Op de jaorvergadering van 25 oktoëber in ós rizzidensie ‘Beej Coëba’ is Marcel Teeuwen unaniem gekaoze toet nieje veurzitter van De Beerpiëp. Hae haet d’n hamer euvergenaome van interim-veurzitter Frank Wijnands, dae dees funksie-j vanaaf april tiédelik haet vervöld nao ’t tössetiéds truuktraeje van Leon van Deur as veurzitter. Leon haet ós vereiniging elf jaor lang geleid vanaaf 2012. Frank zal zich wir volledig sjtorte op zien penningmeistersjap.

Marcel Teeuwen waas adjudant in ‘t 4×11 jubileumtrio van 2011 en is daonao ’nne tiéd veurzitter van de destiéds opgerichte jeugaafdeling en lid van ózze Raod van 11 gewaes.

Daonaeve haet Bart Schouwenberg as niej gekaoze besjteurslid ’t sikkertariaat euvergenaome van Patrick Schreurs, dae aaftraejend en neet herkiesbaar waas. Patrick haet dees funksie-j elf jaor lang vervöld.

Bart woort in 2014 oétgerope toet Beerpiëpprins, haet zich in det jaor aangesjlaote beej ózze Raod van 11 en waas van 2016 wies 2018 vors van ós gezelsjap met as titel Vors Cambrinus VI.

Naeve Patrick Schreurs haet ouch Dion Geraads aafsjiéd genaome van ’t besjteur. Roger de Boer, sirremoniemeister, is herkaoze vur ‘nne nieje termién van 3 jaor.