De vastelaovesgezelsjappe van Tegele, Sjteyl en de Hei rope alle vastelaovesvierders op, um woensdig 11 november de vlag oét te sjtaeke op dezen ‘elfde van d’n elfde’.
Dezen oproop is ’n inisjatief van de Samewerkende Tegelse Vastelaovesvereiniginge (S.T.V.), ’t samewerkingsverbangk det besjteit oét De Beerpiëp, D’n Oeles, De Boereraod en de Kaetelaers.
Zeej rope eur leeje en achterban op, um beej de sjtart van ’t niej-je vastelaovesseizoén de vereinigingsvlag te laote wappere as teiken van verbondenheid en taeves um kleur te gaeve aan ’t sjtraotbeeld o

p dezen iërsten daag van ’t vastelaovesjaor.

Doel van de aksie-j is d’rveur te zorge, det de carnavalsvierders eur vastelaovesgeveul neet kwiét rake in deze “coronatiéd”.