2024 is auch veur de Beerpiep jeug unne primeur, zeej hebbe namelijk eur ieerste jubileum-trio bekind gemak!!
Prins Tijn 1 (Propst) haet de scepter euvergnaome en zal de Tegelse jeug dit jaor veurgaon saame met zien adjudante Jop (Bonten) en Thomas (Aerdts)
Prins Tijn 1 is 18 jaor jonk en gebaore op 6 augustus 2005 in ut ziekenhoés in Venlo. Op basissjoel ut Maasveld in Tegele de ierste vastelaoveskriebels opgepak waornao hae via ut Valuascollege in Venlo ziene waeg naor ut Cios in Sittard haet gevonge. Veur zien stage is hae ein jeurke truuk meuge gaon kieke op ut Maasveld en volg hae zien stage noow beej de Wijnberg in Venlo.
In 2019 haet hae al beej zien broor Juul meij meuge kieke toen dae as adjudant van prins Luc 1 beej de Beerpiepjeug al veurop moch gaon. Zelluf is hae al in 2013 as adjudant van toen prins Jop beej Irene door de confettikanonne haer gerend, ein vereiniging waor hae tot op vandaag nog steeds actief is as keeper van Irene O19-1.
As de vastelaovesmuziek neet um de oére knalt hilt prins Tijn nog van lekker chille en gamen met zien kammeraoj.
Adjudant Jop is van ut zelfde bouwjaor as prins Tijn en daormeij auch 18 jaor jonk. Gebaore op 12 april 2005 in utzelfde ziekenhoes as de prins. Jop is de groeete broor van Raf. Net as prins Tijn haet Jop vruuger op basissjoel ut Maasveld gezaete waornao hae via college den Hulster in Venlo naor de PABO in Helmond is gegaon. Op ut moment is Jop daormeij gestop en is in ein tussejaor werkzaam beej de Plus op de Hei in Tegele.
Vanaaf zien 5de laevesjaor is Jop al actief beej sportclub Irene, waor hae saame met prins Tijn op de velde zurg veur eine stevige basis in Irene O19-1.
Jop is groeet supporter van zien club Feyenoord en zal alles in ut werk sjtelle gen minuut van eur wedstrieje te misse. Op de momente det zeej neet speule krieg Jop ziene tied prima gevuld met gamen en op sjtap gaon met zien vrinde.
Adjudant Thomas is met zien 17 jaor de jongste van dees dreej, hae is namelijk gebaore op 8 oktober 2006. Thomas is net as Tijn en Jop vruuger naor basissjoel ut Maasveld gegaon waor den auch al de ierste verbinding van dit jubileumtrio is ontsjtaon.
Taegewoordig geit Thomas naor ut Valuascollege in Venlo waor hae nog druk studeert in 6VWO aldaor.
Thomas is in ziene vreeje tied vuuel actief beej atletiekvereiniging Scopias, waor Thomas met regelmaot ut veurtouw nimp en ut tempo bepaold. Gelukkig kinne zien kammeraoj um waal nog altied prima beejhaaije op de momente det Thomas gen sjprintje trek.
Via oetzendbureau Powerflex is Thomas regelmaotig aan ut werk in de horeca, waor hae zich den auch prima amuseert.
