Tegele – De Pannekletser, de hoeëgste óngersjei-ing van vastelaovesgezelsjap De Beerpiëp oet Tegele, is dit jaor toegekend aan Gerard Fokkens. De oetreiking zal op zaoterdaag 29 januari plaatsvinge in kultureel centrum De Haandert in Tegelen.
Gerard Fokkens wuurt gehöldigd vanwaege ziene breije maatsjappelikke inzet vur de plaatselikke gemeinsjap. Hae waas en is nag sjteeds actief vur tal van vereiniginge en organisaties in Tegele en Sjteyl. D’n 71-jäörige Tegelenaer haet ‘n ganse waslies aan besjteursfuncties op zien cv. Waorónger ‘t veurzittersjap beej scouting Tichlouw, taofeltennisclub TTC, vastelaovesgezelsjap D’n Oeles, ‘t Limburgs Sjötteriemuseum en de Stichting Cultureel Erfgoed Tegelen (SCET), die bezig is mèt de renovatie van de Hermeniezaal in ‘t centrum, maar ouch de sjtichting Optochhal Groeët Venlo en óngernemersvereiniging Trade Port Zuid. Veur zien vuuele verdeenste woort Gerard Fokkens mieërmaols geierd en ontving hae in 2006 ein keuninklikke óngersjei-ing.
Gerard Fokkens nimp op 29 januari
de 41ste Pannekletser in ontvangs.
