Wie Vastelaovesgezelsjap De Beerpiëp, in samesjpraok mèt de zustervereiniginge binne ’t STV, toet ’t besjloet kwaam det door de coronamaatregele ‘t vastelaovesprogramma van dit seizoen wir op de sjöp meus, waas ós 38ste Piepke net klaor öm nao d’n drökker te gaon.
Weej, besjteur en kemmissie, hebbe den ouch same besjlaote dit Piepke toch oet te bringe öm uch zoeë aevegood nag get vastelaoveskriebels te kenne bezörge.
‘T sjprik vur zich det ‘t vermelde programma is gesjrap en ós nieje Beerpiëptrio’s helaas veur ein jaor in de wachkamer gaon en ouch de oetreiking van de Pannekletser aan d’n hieër Gerard Fokkens door sjuuf nao 2023. Det nimp aevel neet weg det idderein toch nag ken genete van de leuke vastelaovesverhaole, foto’s en kruutswaordpuzzel in dit Piepke.
Wie gebroekelik zien de ieërste exemplare euverhandig aan ‘t aje Trio en de nieje Pannekletser, die altied ein prominente plek kriege in ós vastelaoveskrant. Vanzelfsjpraekend is det dit jaor op ein alternatieve wies gebeurd. Neet in ós Rissedensie Coëba in ‘t beejzien van de ganse vereiniging, maar dit kieër in kleine hoeselikke krink.
Weej winse Prins Erik I en zien adjudante John & René, ózze nieje laureaat d’n hieër Gerard Fokkens en alle vastelaovesvierders vuuel laes- en puzzelplezeer!
Blief gezónk en geneet op gepasde wies van wat vastelaovend 2022 uch haopelik toch nag ken baeje.
Met dank aan alle sjponsors en adverteerders die ós dit jaor wir hebbe gesjteund!
V.g. de Beerpiëp
